Maa ke charno me jo sar jhukaa jaayenge
Saare jag kee maa khusheeyaa wo paa jaayenge, maa ke ….

Sachche man se jo aate maa darpe tere
Darshan tere sabhee maiyaa paa jaayenge
Naam lete hai maiyaa jo dilse yanha
Man me moorat teri maa basaa jaayenge, maa ke ….

Jinke jeevan me hardam andheraa rahaa
Tere dar se wo deepak jagaa laayenge
Badle takdeer jinkee too maiyaa yahaa
Dukh se daaman ve maiyaa chhuraa jaayenge, maa ke ….

Ham hain moorakh agyaanee bhagat maa tere
Tere naam kee maalaa phiraa jaayenge
Sab kuchh miltaa jinhe maiyaa dar pe tere
Aise sachche bhagat maa kahaa jaayenge, maa ke ….

Phaile vidhyaa kaa prakaash jag me tere yahee
Armaan dil me basaa jaayenge
“Prem prakaash” dar ke bhikhaaree hai maa
Tere dar pe yahee geet gaa jaayenge, maa ke